ਸਰੀ, (ਏਕਜੋਤ ਸਿੰਘ): ਸਰੀ ਲਾਇਬ੍ਰੇਰੀਜ਼ ਖੁਸ਼ੀ ਨਾਲ 2025 ਸਰੀ ਲਾਇਬ੍ਰੇਰੀਜ਼ ਯੂਥ ਰਾਈਟਿੰਗ ਕਾਂਟੈਸਟ ਦੇ ਜੇਤੂਆਂ ਦਾ ਐਲਾਨ ਕਰ ਰਹੀ ਹੈ। ਇਹ ਸਾਲਾਨਾ ਮੁਕਾਬਲਾ 12 ਤੋਂ 18 ਸਾਲ ਦੇ ਨੌਜਵਾਨਾਂ ਲਈ ਲਿਖਤੀ ਕਲਾ ਦਾ ਮੌਕਾ ਦਿੰਦਾ ਹੈ।
ਇਸ ਮੁਕਾਬਲੇ ਵਿੱਚ ਭਾਗ ਲੈਣਾ ਮੁਫ਼ਤ ਹੈ ਅਤੇ ਨੌਜਵਾਨ ਲੇਖਕ ਚਾਰ ਸ਼੍ਰੇਣੀਆਂ ਵਿੱਚ ਆਪਣੀਆਂ ਰਚਨਾਵਾਂ ਭੇਜ ਸਕਦੇ ਹਨ: ਛੋਟੀਆਂ ਕਹਾਣੀਆਂ, ਕਵਿਤਾਵਾਂ, ਕਾਮਿਕਸ ਅਤੇ ਇੱਕ ਰੈਂਡਮ ਸ਼੍ਰੇਣੀ ਜੋ ਹੋਰ ਕਿਸਮ ਦੇ ਲਿਖਤੀ ਕੰਮ ਲਈ ਹੈ ਜਿਵੇਂ ਨਿਬੰਧ, ਸਕ੍ਰੀਨਪਲੇ, ਜਾਂ ਗੀਤਾਂ ਦੇ ਲਿਰਿਕਸ। 1987 ਤੋਂ ਮੁਕਾਬਲੇ ਦੀ ਸ਼ੁਰੂਆਤ ਤੋਂ ਹੁਣ ਤੱਕ ਸਰੀ ਲਾਇਬ੍ਰੇਰੀਜ਼ ਨੇ ਲਗਭਗ 9,000 ਰਚਨਾਵਾਂ ਪ੍ਰਾਪਤ ਕੀਤੀਆਂ ਹਨ। ਜੇਤੂਆਂ ਨੂੰ 15 ਅਕਤੂਬਰ ਨੂੰ ਆਵਾਰਡ ਗਾਲਾ ਵਿੱਚ ਸਨਮਾਨਿਤ ਕੀਤਾ ਗਿਆ।
ਜਪਨੀਤ ਕਾਹਲੋਂ, ਜੋ ਰੈਂਡਮ ਸ਼੍ਰੇਣੀ ਵਿੱਚ ਆਨਰਬਲ ਮੈਨਸ਼ਨ ਲਈ ਇਨਾਮ ਜਿੱਤਿਆ, ਨੇ ਕਿਹਾ, ”ਮੇਰੇ ਮਾਮੇ ਦੀ ਮੌਤ ਬਾਰੇ ਲਿਖਣਾ ਬਹੁਤ ਨਿੱਜੀ ਅਨੁਭਵ ਸੀ। ਇਸ ਮੁਕਾਬਲੇ ਨੇ ਮੈਨੂੰ ਆਪਣੀ ਭਾਵਨਾਵਾਂ ਨੂੰ ਕਾਗਜ਼ ‘ਤੇ ਸਾਂਝਾ ਕਰਨ ਦਾ ਸੁਰੱਖਿਅਤ ਮੌਕਾ ਦਿੱਤਾ ਅਤੇ ਮੇਰੀ ਲਿਖਤ ਦੀ ਸ੍ਰੀਮਾਨਤਾ ਵੀ ਪ੍ਰਾਪਤ ਹੋਈ। ਇਹ ਮੇਰੇ ਲਈ ਇਲਾਜ਼ ਵਰਗਾ ਸੀ ਅਤੇ ਦੂਜਿਆਂ ਲਈ ਵੀ ਜੋ ਮੇਰੀ ਕਹਾਣੀ ਨਾਲ ਜੁੜ ਸਕਦੇ ਹਨ।”
ਯੂਥ ਸਰਵਿਸਿਜ਼ ਲਾਇਬ੍ਰੇਰੀਅਨ ਅਤੇ ਮੁਕਾਬਲੇ ਦੇ ਕੋਆਰਡੀਨੇਟਰ ਟ੍ਰਿਸੀਆ ਗ੍ਰੀਨ ਨੇ ਕਿਹਾ, ”ਹਰ ਸਾਲ ਮੈਂ ਸਰੀ ਦੇ ਨੌਜਵਾਨ ਲੇਖਕਾਂ ਦੀ ਸਿਜਨਾਤਮਕਤਾ ਅਤੇ ਸਹਾਸ ਦੇਖ ਕੇ ਹੈਰਾਨ ਰਹਿੰਦੀ ਹਾਂ। ਇਹ ਮੁਕਾਬਲਾ ਕਹਾਣੀਆਂ, ਸੁਪਨਿਆਂ ਅਤੇ ਅਵਾਜ਼ਾਂ ਦਾ ਜਸ਼ਨ ਹੈ। ਸਰੀ ਲਾਇਬ੍ਰੇਰੀਜ਼ ਅਗਲੀ ਪੀੜ੍ਹੀ ਦੇ ਕਹਾਣੀਕਾਰਾਂ ਨੂੰ ਪ੍ਰੋਤਸਾਹਿਤ ਕਰਨ ‘ਚ ਗਰਵ ਮਹਿਸੂਸ ਕਰਦੀ ਹੈ।”
ਕਾਮਿਕਸ ਸ਼੍ਰੇਣੀ ਵਿੱਚ ਪਹਿਲਾ ਇਨਾਮ ਜਿੱਤਣ ਵਾਲੀ ਐਂਜੈਲਾ ਜਿਆਓ ਨੇ ਕਿਹਾ, ”ਇਸ ਮੁਕਾਬਲੇ ਵਿੱਚ ਭਾਗ ਲੈਣ ਨੇ ਮੈਨੂੰ ਆਪਣੀ ਅਵਾਜ਼ ਤੇ ਭਰੋਸਾ ਕਰਨ ਅਤੇ ਇਹ ਵੇਖਣ ਦਾ ਮੌਕਾ ਦਿੱਤਾ ਕਿ ਮੇਰੀਆਂ ਕਹਾਣੀਆਂ ਦੁਨਿਆ ਨਾਲ ਸਾਂਝੀਆਂ ਕਰਨ ਯੋਗ ਹਨ।”
ਇਹ ਪ੍ਰੋਗਰਾਮ ਸਰੀ ਲਾਇਬ੍ਰੇਰੀ ਸਟਾਫ ਦੁਆਰਾ ਆਯੋਜਿਤ ਹੈ ਅਤੇ ਇਸ ਨੂੰ ਕੁਝ ਦਾਤਾਵਾਂ ਦੀ ਮਦਦ ਮਿਲੀ ਹੈ, ਜਿਸ ਵਿੱਚ CUPE 402-402-02, ਖਾਲਸਾ ਕਰੈਡਿਟ ਯੂਨੀਅਨ ਅਤੇ ਸਰੀ ਇੰਟਰਨੈਸ਼ਨਲ ਰਾਈਟਿੰਗ ਕਾਨਫਰੰਸ ਸ਼ਾਮਿਲ ਹਨ। ਜੇਤੂਆਂ ਦੀਆਂ ਰਚਨਾਵਾਂ ਦੀ ਐਂਥੋਲੋਜੀ ਨਵੰਬਰ ਸ਼ੁਰੂ ਵਿੱਚ ਲਾਇਬ੍ਰੇਰੀ ਸ਼ਾਖਾਵਾਂ ਤੋਂ ਉਧਾਰ ਲਈ ਉਪਲਬਧ ਹੋਏਗੀ ਅਤੇ $8.00 ਵਿਚ ਖਰੀਦੀ ਵੀ ਜਾ ਸਕੇਗੀ। This report was written by Ekjot Singh as part of the Local Journalism Initiative.
ਯੂਥ ਰਾਈਟਿੰਗ ਕਾਂਟੈਸਟ 2025 ਦੇ ਜੇਤੂਆਂ ਦੀ ਸੂਚੀ:
ਜੂਨੀਅਰ ਛੋਟੀ ਕਹਾਣੀ:
ਪਹਿਲਾ ਇਨਾਮ: ਯਾਨਾ ਯਾਦਵ, ਦੂਜਾ: ਇਮ੍ਰਿਨ ਧਿਲੋਂ, ਤੀਜਾ: ਸ਼ਾਇਲਾ ਕੋਅਨ
ਆਨਰਬਲ ਮੈਨਸ਼ਨ: ਜੀਆ ਲੀ, ਸਿਨਏ ਆਡਰੀ ਲਿਊ
ਸੀਨੀਅਰ ਛੋਟੀ ਕਹਾਣੀ:
ਪਹਿਲਾ: ਇਰੀਨਾ ਜ਼ਲੋਮੀਨੋਹਾ, ਦੂਜਾ: ਰੀਮ ਐਲ-ਬਾਕੇਜ਼ੀ, ਤੀਜਾ: ਆਰਲਿਨ ਅਧਿਕਾਰੀ
ਆਨਰਬਲ ਮੈਨਸ਼ਨ: ਹੇਲੀ ਜੀਅੰਗ, ਜੋਸਲਿਨ ਮੂਈ
ਜੂਨੀਅਰ ਕਵਿਤਾ:
ਪਹਿਲਾ: ਲੀਨਾ ਬਰਨਾਰਡੀਨੋ, ਦੂਜਾ: ਮਾਇਆ ਬੇਕਰ, ਤੀਜਾ: ਜੋਲਿਨ ਜ਼ਾਂਗ
ਆਨਰਬਲ ਮੈਨਸ਼ਨ: ਲੁਸੀਅਨਾ ਟਿਲਗਨਰ, ਲੈਪ ਫ਼ਾਨ
ਸੀਨੀਅਰ ਕਵਿਤਾ:
ਪਹਿਲਾ: ਜਹਮੌਰੀ ਇਨਿੰਗਬਾ, ਦੂਜਾ: ਇਸਾਬੇਲਾ ਵੇਨ, ਤੀਜਾ: ਐਲਿਸ ਯੂ
ਆਨਰਬਲ ਮੈਨਸ਼ਨ: ਹੰਨਾ ਗਰੋਵਰ, ਰਿਆ ਜੈਸਾ
ਕਾਮਿਕਸ:
ਪਹਿਲਾ: ਐਂਜੈਲਾ ਜਿਆਓ, ਦੂਜਾ: ਆਵਾ ਹੱਡਸਨ, ਤੀਜਾ: ਨੋਆ ਨਹੁਕ ਸੋਮ
ਆਨਰਬਲ ਮੈਨਸ਼ਨ: ਖ੍ਰਿਸਟਿਨ ਕਲਾਰਾਮੋ, ਵਿਆਂਕਾ ਪਰਵਾਨੀ
ਰੈਂਡਮ:
ਪਹਿਲਾ: ਕੈਡੈਂਸ ਲਿਆਓ, ਦੂਜਾ: ਮਿਰੀਨ ਰੰਧਵਾ, ਤੀਜਾ: ਅਲਵੀਰਾ ਵਾਹੀ
ਆਨਰਬਲ ਮੈਨਸ਼ਨ: ਜਪਨੀਤ ਕਾਹਲੋਂ, ਐਸਥਰ ਯੋਂਗ
