ਅਲਬਰਟਾ ਵਿਚ ਸੋਕੇ ਕਾਰਨ ਲੰਬਾ ਹੋ ਸਕਦੈ ਜੰਗਲੀ ਅੱਗ ਦਾ ਸੀਜ਼ਨ

ਕੈਲਗਰੀ : ਅਲਬਰਟਾ ਵਿਚ ਇੱਕ ਹੋਰ ਚੁਣੌਤੀਪੂਰਨ ਜੰਗਲੀ ਅੱਗਾਂ ਦੇ ਸੀਜ਼ਨ ਦੀ ਤਿਆਰੀ ਸ਼ੁਰੂ ਹੋ ਗਈ।
ਸਰਦੀਆਂ ਦੇ ਮੌਸਮ ਵਿਚ ਘੱਟ ਬਰਫ਼ਬਾਰੀ ਜਾਂ ਬਰਫ਼ ਦੀ ਮੋਟੀ ਪਰਤ ਨਾ ਹੋਣ ਕਾਰਨ ਜ਼ਮੀਨ ਵਿਚ ਨਮੀ ਦੀ ਘਾਟ ਹੈ ਅਤੇ ਸੋਕੇ ਵਾਲੀ ਸਥਿਤੀ ਵਧੇਰੇ ਹੈ। ਅਧਿਕਾਰੀਆਂ ਨੇ ਐਲਬਰਟਾ ਵਾਸੀਆਂ ਨੂੰ ਆਉਣ ਵਾਲੇ ਹਫ਼ਤਿਆਂ ਵਿਚ ਵਧੇਰੇ ਚੌਕਸ ਰਹਿਣ ਲਈ ਆਖਿਆ ਹੈ।
ਅਲਬਰਟਾ ਵਾਇਲਡਫ਼ਾਇਰ ਵਿਚ ਇਨਫ਼ਰਮੇਸ਼ਨ ਯੂਨਿਟ ਮੈਨੇਜਰ, ਕ੍ਰਿਸਟੀ ਟਕਰ ਨੇ ਕਿਹਾ ਕਿ ਅਮਲੇ ਨੇ ਇੱਕ ਲੰਬੇ ਅਤੇ ਮੁਸ਼ਕਿਲ ਜੰਗਲੀ ਅੱਗਾਂ ਦੇ ਮੌਸਮ ਦੀ ਤਿਆਰੀ ਸ਼ੁਰੂ ਕਰ ਦਿੱਤੀ ਹੈ।
ਇੱਕ ਨੀਊਜ਼ ਕਾਨਫ਼੍ਰੰਸ ਵਿਚ ਟਕਰ ਨੇ ਕਿਹਾ ਕਿ ਇਸ ਹਫ਼ਤੇ ਤਾਪਮਾਨ ਵਿਚ ਕਮੀ ਆਈ ਹੈ, ਪਰ ਇਸਦਾ ਮਤਲਬ ਇਹ ਨਹੀਂ ਹੈ ਕਿ ਜੰਗਲੀ ਅੱਗ ਦਾ ਖ਼ਤਰਾ ਟਲ਼ ਗਿਆ ਹੈ।
ਉਨ੍ਹਾਂ ਕਿਹਾ, ਐਲਬਰਟਾ ਵਿੱਚ ਅਸੀਂ ਜੋ ਸੋਕੇ ਦੀਆਂ ਸਥਿਤੀਆਂ ਦਾ ਅਨੁਭਵ ਕੀਤਾ ਹੈ, ਉਨ੍ਹਾਂ ਦਾ ਮਤਲਬ ਹੈ ਕਿ ਰੁੱਖਾਂ ਅਤੇ ਘਾਹ ਦਾ ਜਲਣਾ ਅਜੇ ਵੀ ਸੰਭਵ ਹੈ, ਖ਼ਾਸ ਕਰਕੇ ਤੇਜ਼ ਹਵਾਵਾਂ ਦੌਰਾਨ ਜੋ ਅਸੀਂ ਦੇਖ ਰਹੇ ਹਾਂ।
ਵੀਰਵਾਰ ਤੱਕ, ਸੂਬੇ ਭਰ ਵਿੱਚ 50 ਜੰਗਲੀ ਅੱਗਾਂ ਬਲ ਰਹੀਆਂ ਹੈ। ਇਹਨਾਂ ਵਿੱਚੋਂ, ਚਾਰ ਦੇ ਸੰਭਾਵਿਤ ਸੀਮਾਵਾਂ ਤੋਂ ਵੱਧਣ ਦੀ ਉਮੀਦ ਨਹੀਂ ਹੈ ਅਤੇ 46 ਨੂੰ ਹੁਣ ਨਿਯੰਤਰਣ ਵਿੱਚ ਹੋਣ ਵੱਜੋਂ ਸ਼੍ਰੇਣੀਬੱਧ ਕੀਤਾ ਗਿਆ ਹੈ।