ਉੱਤਰ ਦਿਸ਼ਾ ਵੱਲ ਤੋਰਨਾ ਚਾਹਿਆ,
ਤੁਰ ਪਏ ਬਾਦ ਵਿੱਚ ਦੱਖਣ ਨੂੰ ।
ਜ਼ਹਿਰ ਪਿਆਲਾ ਦਿੱਤਾ ਜਦ ਸਾਨੂੰ,
ਬਿਨਾਂ ਸੋਚੇ ਬਹਿ ਗਏ ਚੱਖਣ ਨੂੰ ।
ਪੜ੍ਹਨ ਲਈ ਜੋ ਸੀ ਕੁੱਝ ਦਿੱਤਾ,
ਐਵੇਂ ਬਹਿ ਗਏ ਰੱਟਣ ਨੂੰ ।
ਸਮਝ ਤਾਂ ਬਿਲਕੁਲ ਆਈ ਨਾ,
ਮੂਰਤਾਂ ਬਹਿ ਗਏ ਤੱਕਣ ਨੂੰ ।
ਭੁੱਖ ਭਾਵੇਂ ਹੋਵੇ ਜਾਂ ਨਾ ਹੋਵੇ,
ਬਹਿ ਜਾਈਏ ਹਰ ਥਾਂ ਸਭ ਛਕਣ ਨੂੰ ।
ਅੱਗੇ ਹੋ ਕੇ ਤੁਰਨਾ ਨਾ ਆਇਆ,
ਦੂਜੇ ਹੀ ਬਹਿ ਗਏ ਹੱਕਣ ਨੂੰ ।
ਚਲਾਕ ਲੋਕੀਂ ਸਭ ਲੁੱਟ ਕੇ ਲੈ ਗਏ,
ਬਚਿਆ ਨਹੀਂ ਕੁੱਝ ਢੱਕਣ ਨੂੰ ।
ਸੋਚੇ ਬਿਨਾਂ ਹੀ ਸਭ ਖੋਹ ਬੈਠੇ,
ਬਚਿਆ ਨਾ ਸਾਡੇ ਕੋਲ ਰੱਖਣ ਨੂੰ ।
ਸੁਖ ਦਾ ਕਿਤੇ ਸਾਹ ਆ ਜਾਵੇ ਤਾਂ,
ਫਿਰ ਆ ਜਾਂਦਾ ਕੋਈ ਸੰਘੀ ਨੱਪਣ ਨੂੰ ।
ਦੌੜਿਆਂ ਭੱਜਿਆਂ ਵੀ ਕੁੱਝ ਬਣਿਆ ਨਾ,
ਤਰਕਸ਼ੀਲਾ ਲੋਕੀਂ ਰਹਿ ਗਏ ਹਫਣ ਨੂੰ ।
ਖੁਰਦਪੁਰੀਆ ਕੁੱਝ ਵੀ ਸੁਧਰਿਆ ਨਾ,
ਅਵਤਾਰ ਮਾਮਲੇ ਰਹਿ ਗਏ ਭਖਣ ਨੂੰ ।
ਅਵਤਾਰ ਤਰਕਸ਼ੀਲ ਨਿਊਜ਼ੀਲੈਂਡ
006421392147
