ਜੇ ਤੈਨੂੰ ਕੋਈ ਟਿਕਟ ਨਹੀਂ ਦਿੰਦੇ,
ਕਿਉਂ ਫਿਰਦਾ ਦਿਲ ਛੱਡੀ।
ਨਵੀਆਂ ਪਾਰਟੀਆਂ ਬਹੁਤ ਬਣਗੀਆਂ,
ਲੱਭ ਲੈ ਨਵੀਂ ਕੋਈ ਗੱਡੀ।
ਨੇਤਾ ਜੀ ਮਾਰ ਟਪੂਸੀ
ਪੰਜ ਸਾਲ ਨਾ ਮੌਕਾ ਹੱਥ ਆਵੇ,
ਉਮਰ ਤੇਰੀ ਤਾਂ ਵਧਦੀ ਜਾਵੇ।
ਸਾਰੀ ਉਮਰ ਪਛਤਾਉਣਾ ਪੈ ਜਾਊ,
ਸੇਵਾ ਵਿੱਚ ਪੈ ਗਏ ਧੱਕੇ ਖਾਣੇ।
ਨੇਤਾ ਜੀ ਮਾਰ ਟਪੂਸੀ
ਵਿਚਾਰਧਾਰਾ ‘ਤੇ ਕੌਣ ਏ ਖੜ੍ਹਦਾ,
ਹਰ ਇੱਕ ਕੁਰਸੀ ਦੀ ਗੱਲ ਕਰਦਾ।
ਛੱਪੜ ਦਾ ਪਾਣੀ ਵੀ ਸੁਣਿਆ,
ਇੱਕ ਥਾਂ ਰਹਿ ਕੇ ਜਾਂਦਾ ਸੜਦਾ।
ਨੇਤਾ ਜੀ ਮਾਰ ਟਪੂਸੀ
ਲੋਕਾਂ ਦਾ ਕੀ ਏ, ਸਾਰੇ ਆਪਣੇ,
ਤੁਸੀਂ ਵੀ ਵੇਚੋ, ਹਨੇਰੇ ਵਿੱਚ ਸੁਫ਼ਨੇ।
ਨਾਲ ਪਲਟੀ ਹੀ ਸਾਰੇ ਘਪਲੇ,
ਸਾਰੇ ਜਾਣਗੇ, ਲੋਕ ਸੇਵਾ ਵਿੱਚ ਦਫ਼ਨੇ।
ਨੇਤਾ ਜੀ ਮਾਰ ਟਪੂਸੀ
ਲਿਖਤ : ਬਹਾਦਰ ਸਿੰਘ ਗੋਸਲ
ਸੰਪਰਕ: 98764-522223
