ਵੈਨਕੂਵਰ (ਏਕਜੋਤ ਸਿੰਘ): ਬੀ.ਸੀ. ਸਰਕਾਰ ਵੱਲੋਂ ਉਪਭੋਗਤਾ ਕਾਰਬਨ ਟੈਕਸ ਖਤਮ ਕਰਨ ਦੇ ਫੈਸਲੇ ਨਾਲ, ਫੋਰਟਿਸ ਬੀ.ਸੀ. ਗੈਸ ਗਾਹਕ ਹਰ ਸਾਲ $300 ਤੱਕ ਦੀ ਬਚਤ ਕਰ ਸਕਣਗੇ। ਮਾਰਚ 14 ਨੂੰ, ਪ੍ਰੀਮੀਅਰ ਡੇਵਿਡ ਈਬੀ ਨੇ ਐਲਾਨ ਕੀਤਾ ਕਿ 1 ਅਪਰੈਲ ਤੋਂ ਹੋਣ ਵਾਲਾ ਕਾਰਬਨ ਟੈਕਸ ਹੁਣ ਨਹੀਂ ਲਾਗੂ ਕੀਤਾ ਜਾਵੇਗਾ, ਅਤੇ ਸਰਕਾਰ ਇਸ ਟੈਕਸ ਨੂੰ ਪੂਰੀ ਤਰ੍ਹਾਂ ਹਟਾਉਣ ਲਈ ਤਿਆਰ ਕਰ ਰਹੀ ਹੈ।
ਫੋਰਟਿਸ ਬੀ.ਸੀ. ਜੋ ਸੂਬੇ ਲਈ ਇਹ ਟੈਕਸ ਇਕੱਠਾ ਕਰਦੀ ਹੈ, ਹੁਣ ਵਿਧਾਨ ਸਭਾ ਕਾਰਵਾਈ ‘ਤੇ ਨਜ਼ਰ ਰੱਖ ਰਹੀ ਹੈ ਅਤੇ ਇਸ ਦਾ ਗਾਹਕਾਂ ‘ਤੇ ਹੋਣ ਵਾਲੇ ਪ੍ਰਭਾਵ ਦੀ ਵਿਸ਼ਲੇਸ਼ਣਾ ਕਰ ਰਹੀ ਹੈ।
ਸਧਾਰਣ ਰਿਹਾਇਸ਼ੀ ਗਾਹਕ, ਜੋ ਹਰ ਮਹੀਨੇ $29.89 ਕਾਰਬਨ ਟੈਕਸ ਦੇ ਰਹੇ ਸਨ।ਇਹ ਟੈਕਸ ਖਤਮ ਹੋਣ ਨਾਲ ਉਨ੍ਹਾਂ ਦੀ ਲਾਗਤ ਲਗਭਗ $30 ਪ੍ਰਤੀ ਮਹੀਨਾ ਘਟ ਜਾਵੇਗੀ।
ਕੰਪਨੀ ਨੇ ਦੱਸਿਆ ਕਿ ਉਹ ਬੀ.ਸੀ. ਦੀਆਂ ਕਲਾਈਮੇਟ ਐਕਸ਼ਨ ਯੋਜਨਾਵਾਂ ਨੂੰ ਹਮਾਇਤ ਕਰਦੀ ਰਹੇਗੀ ਅਤੇ ਉਤਸਰਜਨ ਘਟਾਉਣ ‘ਤੇ ਧਿਆਨ ਦੇਂਦੀ ਰਹੇਗੀ, ਜਦਕਿ ਗਾਹਕਾਂ ਨੂੰ ਵਿਸ਼ਵਾਸਯੋਗ ਅਤੇ ਵਾਜਬ ਕੀਮਤ ‘ਤੇ ਊਰਜਾ ਉਪਲਬਧ ਕਰਵਾਉਣ ਦੀ ਵਚਨਬੱਧਤਾ ਨਿਭਾਉਂਦੀ ਰਹੇਗੀ।
ਫੋਰਟਿਸ ਬੀ.ਸੀ. ਗੈਸ ਗਾਹਕਾਂ ਨੂੰ ਕਾਰਬਨ ਟੈਕਸ ਖ਼ਤਮ ਹੋਣ ਕਾਰਨ ਹਰ ਸਾਲ $300 ਦੀ ਹੋਵੇਗੀ ਬਚਤ
