ਸਰੀ, (ਏਕਜੋਤ ਸਿੰਘ): ਅਧਾਰਿਤ ਪੁਰਸ਼ਾਂ ਦੀ ਫੁੱਟਬਾਲ (ਸੌਕਰ) ਟੀਮ ਬੀ.ਸੀ. ਟਾਈਗਰਜ਼ ਹਰੀਕੇਨਜ਼ ਇਸ ਪਤਝੜ ਵਿੱਚ ਬ੍ਰਿਟਿਸ਼ ਕੋਲੰਬੀਆ ਸਾਕਰ ਹਾਲ ਆਫ ਫੇਮ ਵਿੱਚ ਸ਼ਾਮਲ ਕੀਤੀ ਜਾ ਰਹੀ ਹੈ। ਇਹ ਟੀਮ 2018 ਵਿੱਚ ਕਨੇਡਾ ਦੀ ਕਲੱਬ ਚੈਂਪੀਅਨਸ਼ਿਪ ਜਿੱਤਣ ਵਾਲੀ ਪਹਿਲੀ ਦੱਖਣੀ ਏਸ਼ੀਆਈ ਟੀਮ ਬਣੀ ਸੀ। ઠਇੱਕ ਅਜਿਹਾ ਮੌਕਾ ਜਿਸ ਨੇ ਸਿਰਫ਼ ਖੇਡ ਮੈਦਾਨ ਹੀ ਨਹੀਂ, ਸਗੋਂ ਸਾਰੀ ਕਮਿਊਨਿਟੀ ਵਿੱਚ ਗੌਰਵ ਅਤੇ ਪ੍ਰੇਰਣਾ ਭਰ ਦਿੱਤੀ।
ਹਾਲ ਵੈੱਬਸਾਈਟ ਉੱਤੇ ਦਿੱਤੇ ਵੇਰਵੇ ਅਨੁਸਾਰ, ”ਉਹਨਾਂ ਦੀ ਬਾਧਾਵਾਂ ਤੋੜਦੀ ਜਿੱਤ ਨੇ ਬ੍ਰਿਟਿਸ਼ ਕੋਲੰਬੀਆ ਦੇ ਦੱਖਣੀ ਏਸ਼ੀਆਈ ਭਾਈਚਾਰੇ ਲਈ ਮਾਣ ਦਾ ਵੱਡਾ ਮੌਕਾ ਪੈਦਾ ਕੀਤਾ ਅਤੇ ਨਵੀਂ ਪੀੜ੍ਹੀ ਨੂੰ ਸਾਕਰ ਵੱਲ ਪ੍ਰੇਰਿਤ ਕੀਤਾ।”
ਸੱਤ ਸਾਲ ਪਹਿਲਾਂ, 2018 ਵਿੱਚ, ਬੀ.ਸੀ. ਟਾਈਗਰਜ਼ ਹਰੀਕੇਨਜ਼ ਨੇ ਇੱਕ ਸ਼ਾਨਦਾਰ ”ਟਰਿਪਲ” ਜਿੱਤ ਹਾਸਿਲ ਕੀਤੀ ઠਪਹਿਲਾਂ ਵੈਨਕੂਵਰ ਮੈਟਰੋ ਸਾਕਰ ਲੀਗ ਪ੍ਰੀਮੀਅਰ ਡਿਵੀਜ਼ਨ, ਫਿਰ ਬੀ.ਸੀ. ਪ੍ਰੋਵਿੰਸ਼ੀਅਲ ਏ ਕੱਪ, ਅਤੇ ਅੰਤ ਵਿੱਚ ਕਨੇਡੀਅਨ ਕਲੱਬ ਚੈਂਪੀਅਨਸ਼ਿਪ।
ਸਸਕਾਟੂਨ ਵਿੱਚ ਖੇਡੇ ਗਏ ਫਾਈਨਲ ਵਿੱਚ ਉਨ੍ਹਾਂ ਨੇ ਓਨਟਾਰੀਓ ਦੀ ਟੀਮ ਕੇਲੇਡਨ ਐਸ.ਸੀ. ਨੂੰ 7-3 ਨਾਲ ਹਰਾਇਆ ਅਤੇ ਚੈਲੇਂਜ ਟਰਾਫੀ ਜਿੱਤੀ ઠਇਹ ਪਹਿਲੀ ਵਾਰ ਸੀ 14 ਸਾਲਾਂ ਵਿੱਚ ਕਿ ਕੋਈ ਬੀ.ਸੀ. ਟੀਮ ਇਹ ਖਿਤਾਬ ਲੈ ਕੇ ਘਰ ਆਈ।
ਟੀਮ ਦੇ ਸੈਂਟਰ-ਬੈਕ ਜੋਈ ਬਰਾੜ, ਜੋ ਇਸ ਸਮੇਂ ਸਰੀ ਸਿਟੀ ਦੇ ਕਾਰਪੋਰੇਟ ਸਰਵਿਸਿਜ਼ ਮੈਨੇਜਰ ਹਨ, ਨੇ ਦੱਸਿਆ ਕਿ ਇਹ ਸਨਮਾਨ ਲੈਣ ਲਈ ਉਹਨਾਂ ਨੇ ਕਈ ਵਾਰ ਅਰਜ਼ੀ ਦਿੱਤੀ ਸੀ।
ਉਨ੍ਹਾਂ ਕਿਹਾ, ”ਇਹઠ ਸਾਡੀ ਤੀਜੀ ਕੋਸ਼ਿਸ਼ ਸੀ, ਤੇ ਇਸ ਵਾਰ ਹਾਲ ਦੇ ਪੈਨਲ ਨੇ ਮੰਨ ਲਿਆ ਕਿ ਸਾਡੀ ਟੀਮ ਇਸ ਯੋਗ ਹੈ। ਸਭ ਤੋਂ ਵੱਡੀ ਗੱਲ ਇਹ ਸੀ ਕਿ ਅਸੀਂ ਪਹਿਲੀ ਦੱਖਣੀ ਏਸ਼ੀਆਈ ਟੀਮ ਸੀ ਜਿਸ ਨੇ ਰਾਸ਼ਟਰੀ ਖਿਤਾਬ ਜਿੱਤਿਆ ਸੀ।” ਬਰਾੜ ਨੇ ਕਿਹਾ ਕਿ ਦੱਖਣੀ ਏਸ਼ੀਆਈ ਖਾਸ ਕਰ ਪੰਜਾਬੀ ਭਾਈਚਾਰੇ ਵਿੱਚ ਫੁੱਟਬਾਲ ਦਾ ਬਹੁਤ ਪਿਆਰ ਹੈ, ਅਤੇ ਸਰੀ ਤੋਂ ਲੈ ਕੇ ਪੂਰੇ ਬ੍ਰਿਟਿਸ਼ ਕੋਲੰਬੀਆ ਤੱਕ ਸੈਕੜਿਆਂ ਟੀਮਾਂ ਖੇਡਦੀਆਂ ਹਨ।
ਉਨ੍ਹਾਂ ਕਿਹਾ ”ਸਾਡੇ ਲਈ ਇਹ ਜਿੱਤ ਸਿਰਫ਼ ਖੇਡ ਨਹੀਂ ਸੀ, ਇਹ ਮਾਣ ਅਤੇ ਪ੍ਰੇਰਣਾ ਦੀ ਗੱਲ ਸੀ,”
”ਉਹ ਸਾਲ ਅਸੀਂ ਭਰਾਵਾਂ ਵਾਂਗ ਰਹੇ। ਹੁਣ ਉਹ 2018 ਵਾਲੀ ਟੀਮ ਇਕੱਠੀ ਨਹੀਂ ਰਹੀ ઠਕੁਝ ਖਿਡਾਰੀ ਖੇਡ ਛੱਡ ਗਏ, ਕੁਝ ਮਾਸਟਰ ਡਿਵੀਜ਼ਨ ਵਿੱਚ ਚਲੇ ਗਏ, ਤੇ ਕੁਝ ਹੋਰ ਕੰਮਾਂ ਵਿੱਚ ਰੁਝ ਗਏ।”
ਟੀਮ ਦਾ ਨਾਮ ਹਾਲੇ ਵੀ ਮੌਜੂਦ ਹੈ, ਪਰ ਹੁਣ ਉਹ ਨੀਵੇਂ ਡਿਵੀਜ਼ਨ ਵਿੱਚ ਖੇਡਦੀ ਹੈ।
ਹਾਲ ਦੇ ਅਧਿਕਾਰਕ ਜੀਵਨ-ਵ੍ਰਿਤਾਂਤ ਅਨੁਸਾਰ, ਹਰੀਕੇਨਜ਼ ਦੀ ਕਹਾਣੀ 2005 ਵਿੱਚ ਸ਼ੁਰੂ ਹੋਈ, ਜਦੋਂ ਪੰਜਾਬ ਹਰੀਕੇਨਜ਼ ਨਾਮ ਨਾਲ ਟੀਮ ਨੇ ਵੈਨਕੂਵਰ ਮੈਟਰੋ ਸਾਕਰ ਲੀਗ ਡਿਵੀਜ਼ਨ 3 ਵਿੱਚ ਪ੍ਰਵੇਸ਼ ਕੀਤਾ।
ਉਹ ਟੀਮ ਮੁੱਖ ਤੌਰ ‘ਤੇ ਸਰੀ ਦੇ ਪਹਿਲੀ ਪੀੜ੍ਹੀ ਦੇ ਕਨੇਡੀਅਨ ਦੱਖਣੀ ਏਸ਼ੀਆਈ ਖਿਡਾਰੀਆਂ ਤੋਂ ਬਣੀ ਸੀ, ਜਿਹੜੇ ਬਚਪਨ ਤੋਂ ਹੀ ਐਲੀਟ ਯੂਥ ਪ੍ਰੋਗਰਾਮਾਂ ਦਾ ਹਿੱਸਾ ਰਹੇ ਸਨ।
ਉਹਨਾਂ ਦਾ ਮਕਸਦ ਸਿਰਫ਼ ਖੇਡਣਾ ਨਹੀਂ ਸੀ, ਸਗੋਂ ਉਹ 1960 ਅਤੇ 1970 ਦੇ ਦਹਾਕੇ ਵਿੱਚ ਖੇਡਣ ਵਾਲੀਆਂ ਖਾਲਸਾ ਐਸ.ਸੀ. ਅਤੇ ਕਲੱਬ ਇੰਡੀਆ ਵਰਗੀਆਂ ਟੀਮਾਂ ਦੀ ਵਿਰਾਸਤ ਨੂੰ ਸਨਮਾਨ ਦੇਣਾ ਚਾਹੁੰਦੇ ਸਨ ઠਉਹ ਟੀਮਾਂ ਜਿਨ੍ਹਾਂ ਨੇ ਭੇਦਭਾਵ ਅਤੇ ਨਸਲੀ ਪੱਖਪਾਤ ਦਾ ਸਾਹਮਣਾ ਕਰਦਿਆਂ ਕਨੇਡੀਅਨ ਸਾਕਰ ਵਿੱਚ ਦੱਖਣੀ ਏਸ਼ੀਆਈਆਂ ਲਈ ਰਾਹ ਖੋਲ੍ਹਿਆ।
2018 ਦੇ ਚੈਂਪੀਅਨਸ਼ਿਪ ਮੈਚ ਵਿੱਚ ਨਿਕ ਸੂਲਸਮਾ ਨੇ ਚਾਰ ਗੋਲ ਕਰਕੇ ਟੀਮ ਨੂੰ ਜਿੱਤ ਵੱਲ ਧੱਕਿਆ।
ਉਨ੍ਹਾਂ ਨੂੰ ਗੋਲਡਨ ਬੂਟ ਐਵਾਰਡ ਮਿਲਿਆ ਕਿਉਂਕਿ ਉਹਨਾਂ ਨੇ ਟੂਰਨਾਮੈਂਟ ਵਿੱਚ 9 ਗੋਲ ਕੀਤੇ ઠਪਿਛਲੇ 18 ਸਾਲਾਂ ਵਿੱਚ ਸਭ ਤੋਂ ਵੱਧ।
ਟੀਮ ਦੇ ਹੋਰ ਖਿਡਾਰੀ ਸਨ ઠਗੈਰੀ ਬਦੇਸ਼ਾ, ਡੇਵਿਡ ਚੋਹਾਨ, ਜੈਸੀ ਧਾਮੀ, ਪਾਵਨਦੀਪ (ਪਾਵੀ) ਢਿੱਲੋਂ, ਰਾਇਨ ਢਿੱਲੋਂ, ਜਸ਼ਨਦੀਪ (ਜੇਸਨ) ਗਿੱਲ, ਅਰਜਨ ਗਰੇਵਾਲ, ਕਰਤਾਰ (ਕੈਮ) ਹੁੰਦਲ, ਅਸ਼ਿਫ ਇਸਮਾਈਲ, ਹਰਪ੍ਰੀਤ, ਗੁਰਜੋਤ ਲਹਿਲ, ਸਰਪ੍ਰੀਤ ਪਾਹਲ, ਕਰਨ ਖੰਗੂੜਾ, ਰਹਿਦ ਰਹੀਮ, ਜੀਵੀ ਰਾਇ, ਪ੍ਰਤਾਪ ਸੰਧੂ ਅਤੇ ਨਵਜੋਤ ਥਿੰਦ।
ਟੀਮ ਦੇ ਕੋਚ/ਮੈਨੇਜਰ ਸਨ ਸੂਲਸਮਾ, ਸਤਬੀਰ ਬਦੇਸ਼ਾ ਅਤੇ ਰੌਬ ਜੈਂਡਰਿਕ। ਬੀ.ਸੀ. ਸਾਕਰ ਐਵਾਰਡ ਡਿਨਰ 8 ਨਵੰਬਰ 2025 ਨੂੰ ਬਰਨਾਬੀ ਵਿੱਚ ਹੋਵੇਗਾ।
ਬਰਾੜ ਨੇ ਕਿਹਾ, ”ਸਾਡੇ ਕਲੱਬ ਤੋਂ ਕਾਫ਼ੀ ਵੱਡਾ ਜਥਾ ਸਮਾਰੋਹ ਵਿੱਚ ਹਾਜ਼ਰ ਰਹੇਗਾ। ਇਹ ਸਾਡੇ ਲਈ ਬੇਹੱਦ ਮਾਣ ਦਾ ਪਲ ਹੈ।”
ਬੀ.ਸੀ. ਸਾਕਰ ਹਾਲ ਆਫ ਫੇਮ ਦਾ ਮਕਸਦ ਹੈ ਸੂਬੇ ਦੇ ਸਭ ਤੋਂ ਚੰਗੇ ਖਿਡਾਰੀਆਂ, ਕੋਚਾਂ, ਰੈਫਰੀਆਂ, ਟੀਮਾਂ ਅਤੇ ਖੇਡ ਵਿੱਚ ਯੋਗਦਾਨ ਪਾਉਣ ਵਾਲੀਆਂ ਸੰਸਥਾਵਾਂ ਨੂੰ ਸਨਮਾਨਿਤ ਕਰਨਾ।
2025 ਦੇ ਹੋਰ ਸਨਮਾਨਤ ਸ਼ਖ਼ਸੀਅਤਾਂ ਵਿੱਚ ਖਿਡਾਰੀ ਕ੍ਰਿਸਟੀਨ ਸਿੰਕਲੇਅਰ ਅਤੇ ਜੇਮੀ ਲੌਰੀ, ਕੋਚ ਡਿਕ ਮੋਸ਼ਰ, ਰੈਫਰੀ ਗੋਰਡਨ ਰੌਜਰਜ਼, ਬਿਲਡਰ ਚਾਰਲੀ ਕੁਜ਼ੇਟੋ ਅਤੇ ਗੇਲ ਰੱਸਲ, ਅਤੇ ਸਾਈਮਨ ਫਰੇਜ਼ਰ ਯੂਨੀਵਰਸਿਟੀ ਦੀ 1996-2000 ਮਹਿਲਾ ਟੀਮਾਂ ਸ਼ਾਮਲ ਹਨ। ઠThis report was written by Ekjot Singh as part of the Local Journalism Initiative.
