ਬਾਬਾ ਨਾਨਕ

ਅੱਜ ਸ਼ੀਸ਼ੇ ਕੋਲ ਖਲੋਕੇ,
ਮੈਂ ਪੁੱਛਿਆ! ਦਿਲ ਦਾ ਹਾਲ,
ਕਹਿੰਦਾ ਕਰੇ ਭਰੋਸਾ ਸਭ ਤੇ,
ਪਰ ਕੋਈ ਨਾ ਖੜਦਾ ਨਾਲ।
ਮੈਂ ਹੱਸ ਕੇ ਉਹਨੂੰ ਆਖਿਆ,
ਹੈ ਮੇਰਾ ਬਾਬਾ ਨਾਨਕ ਨਾਲ ,
ਕਦੇ ਵੱਟੀ ਨਾ ਰੋਸ ਜਤਾਂਵਦੀ
ਜੋ ਬਲਦੀ ਤੇਲ ਦੇ ਨਾਲ।
ਸਾਡੇ ਖੂਨ ਚ ਵਫ਼ਾਦਾਰੀਆਂ,
ਸਾਡੇ ਵਿਰਸੇ ਜਾਹੋ ਜਲਾਲ।
ਤੇ ਥੁੱਕ ਕੇ ਕਦੇ ਨਾਂ ਚੱਟੀਏ,
ਮਜ਼ਲੂਮਾਂ ਲਈ ਬਣੀਏ ਢਾਲ਼।
ਸੱਚ ਨੂੰ ਆਂਚ ਨਹੀਂ ਆਂਵਦੀ,
ਅਸੀਂ ਇੱਜ਼ਤਾਂ ਰਹੇ ਆ ਪਾਲ ,
ਹੱਸਦਿਆਂ ਦੇ ਘਰ ਵੱਸਦੇ ਨਿਰਮਲ,
ਦੋਖੀਆਂ ਦੇ ਮੰਦੇ ਹਾਲ।
ਲਿਖਤ : ਨਿਰਮਲ ਕੌਰ ਕੋਟਲਾ