ਚੜ੍ਹਦੀ ਜਵਾਨੀ ਫਿਰੇ ਜੋਸ਼ ਭਾਲਦੀ
ਥਿੜਕੇ ਪੈਰਾਂ ਦੀ ਰਾਹ ਹੋਸ਼ ਭਾਲਦੀ
ਬੰਦ ਹੋਵੇ ਜਿਹੜਾ ਅੱਜ ਸ਼ਰੇਆਮ ਵਿਕਦਾ
ਹੁਸ਼ਨ ਪੰਜਾਬ ਦੇ ਦਾ ਚੰਨ ਜਾਵੇ ਛਿਪਦਾ
ਖੌਰੇ ਕੀਹਦੀ ਲੱਗੀ ਏ ਨਜ਼ਰ ਪੰਜਾਬ ਨੂੰ
ਫਿੱਕਾ ਪਾਉਂਦੀ ਜਾਵੇ ਜਿਹੜੀ ਇਸ ਦੇ ਸ਼ਬਾਬ ਨੂੰ
ਹੋਇਆ ਰੰਗੋ ਬੇਰੰਗ ਪਿਆ ਧੁੰਦਲਾ ਜਿਹਾ ਦਿਸਦਾ
ਹੁਸ਼ਨ ਪੰਜਾਬ ਦੇ…
ਸਿਰੋਂ ਲੱਥੀ ਫੁਲਕਾਰੀ ਵਾਲ ਖੁੱਲੇ ਹੋ ਗਏ
ਰੰਗ ਫੈਸ਼ਨਾਂ ਦੇ ਹਰ ਪਾਸੇ ਡੁੱਲ੍ਹੇ ਹੋ ਗਏ
ਮਾਂ ਬੋਲੀ ਦਾ ਜਖਮ ਵੀ ਏ ਦਿਨੋ ਦਿਨ ਰਿਸਦਾ
ਹੁਸ਼ਨ ਪੰਜਾਬ ਦੇ…
ਤ੍ਰਿੰਜਣਾ ਚ ਚਰਖੇ ਦਾ ਸੋਰ ਨਾ ਰਿਹਾ
ਪੀਘਾਂ ਪਿੱਪਲਾਂ ਦਾ ਮੇਲ ਜੋਲ ਨਾ ਰਿਹਾ
ਹਰ ਪਾਸੇ ਮੌਸਮ ਵੀਰਾਨ ਜਿਹਾ ਦਿੱਸਦਾ
ਹੁਸ਼ਨ ਪੰਜਾਬ ਦੇ…
ਕਿਸੇ ਨੂੰ ਵੀ ਕਿਸੇ ਨਾਲ ਪਿਆਰ ਨਾ ਰਿਹਾ
ਵੱਡਿਆਂ ਦਾ ਦਿਲੋਂ ਸਤਿਕਾਰ ਨਾ ਰਿਹਾ
ਕੁਝ ਪਲਾਂ ਲਈ ਵੀ ਨਾ ਕੋਈ ਕਿਸੇ ਕੋਲ ਟਿਕਦਾ
ਹੁਸ਼ਨ ਪੰਜਾਬ ਦੇ ਦਾ ਚੰਨ ਜਾਵੇ ਛਿਪਦਾ
ਲਿਖਤ : ਨਿਰਮਲਾ ਗਰਗ
International Punjabi Tribune, Founded in 1993, has over 30 years of publishing history in British Columbia.
As popular newspaper among B.C. South Asians. The Newspaper provides current news, events,
and important community information with the facts and issues that affect the global South Asian Community.
Contact us : iptribune@gmail.com
Cell : (604) 584-5577