ਉਹ ‘ਆਮ’ ਨਹੀਂ ਰਹਿੰਦਾ ਫਿਰ ਖਾਸ ਹੁੰਦਾ
ਗੱਦੀ ਬਹਿੰਦਿਆਂ ਮਿਲਣ ਜਦ ਨੋਟ੍ਹ ਯਾਰੋ।
ਕੰਮ ਕੋਈ ਵੀ ਅੜਿਆ ਨਹੀਂ ਰਹਿ ਸਕਦਾ
‘ਸਾਮ-ਦਾਮ-ਦੰਡ-ਭੇਦ’ ਦੀ ‘ਓਟ’ ਯਾਰੋ।
‘ਲਾਠੀ’ ਜਿਹਦੇ ਹੱਥ ‘ਮੱਝ’ ਵੀ ਉਸੇ ਦੀ ਹੀ
ਰਾਜਨੀਤੀ ਵਿਚ ਵੱਡਾ ਇਹ ‘ਖੋਟ’ ਯਾਰੋ।
‘ਢੋਲ-ਢਮੱਕਾ’ ਸੁਣ ‘ਚੋਣ-ਪ੍ਰਚਾਰ’ ਵਾਲ਼ਾ
ਬੱਝੀ ਇੱਕੋ ਥਾਂਹ ਰਹਿੰਦੀ ਨਹੀਂ ਵੋਟ ਯਾਰੋ।
ਹਉਮੈਂ-ਆਕੜ ਨਾਲ਼ ਭਰੀ ‘ਇਮਾਨਦਾਰੀ’
ਲਾ ਗਈ ‘ਇੰਡੀਆ ਟੀਮ’ ਨੂੰ ਚੋਟ ਯਾਰੋ।
ਤਿੰਨ ਧਿਰਾਂ ਵਿਚ ਵੋਟਾਂ ਜਦ ਵੰਡ ਹੋਈਆਂ
ਕੰਮ ‘ਲੋਟਸ’ ਦਾ ਆ ਗਿਆ ‘ਲੋਟ’ ਯਾਰੋ।
ਲਿਖਤ : ਤਰਲੋਚਨ ਸਿੰਘ ਦੁਪਾਲ ਪੁਰ
001-408-915-1268
