ਹਰਜੀਤ ਸੱਜਣ ਦਾ ਸਿਆਸਤ ਨੂੰ ਅਲਵਿਦਾ: ਅਗਲੀਆਂ ਚੋਣਾਂ ਨਾ ਲੜਨ ਦਾ ਐਲਾਨ

ਵੈਨਕੂਵਰ, (ਏਕਜੋਤ ਸਿੰਘ): ਵੈਨਕੂਵਰ ਸਾਊਥ ਤੋਂ ਸਿਆਸੀ ਪੜਾਅ ਦੇ ਦੌਰਾਨ ਮਸ਼ਹੂਰ ਹੋਏ ਐਮਰਜੈਂਸੀ ਪ੍ਰੀਪੇਅਰਡਨੈੱਸ ਮੰਤਰੀ ਹਰਜੀਤ ਸੱਜਣ ਨੇ ਬੁੱਧਵਾਰ ਨੂੰ ਐਲਾਨ ਕੀਤਾ ਕਿ ਉਹ ਅਗਲੀਆਂ ਫੈਡਰਲ ਚੋਣਾਂ ਵਿੱਚ ਹਿੱਸਾ ਨਹੀਂ ਲੈਣਗੇ। ਸੱਜਣ 2015 ਤੋਂ ਵੈਨਕੂਵਰ ਸਾਊਥ ਤੋਂ ਸੰਸਦ ਮੈਂਬਰ ਰਹੇ ਹਨ ਅਤੇ ਇਸ ਦੌਰਾਨ ਕੈਨੇਡਾ ਦੇ ਕਈ ਮਹੱਤਵਪੂਰਨ ਮੰਤਰਾਲਿਆਂ ਦੀ ਜ਼ਿੰਮੇਵਾਰੀ ਸੰਭਾਲੀ। ਸੋਸ਼ਲ ਮੀਡੀਆ ਦੇ ਰਾਹੀਂ ਕੀਤੇ ਆਪਣੇ ਐਲਾਨ ਵਿੱਚ ਸੱਜਣ ਨੇ ਆਪਣੇ ਹਲਕੇ ਦੇ ਵਸਨੀਕਾਂ ਲਈ ਡੂੰਘਾ ਧੰਨਵਾਦ ਪ੍ਰਗਟ ਕੀਤਾ। ਉਨ੍ਹਾਂ ਨੇ ਲਿਖਿਆ, “ਮੈਂ ਇਸ ਵਿਭਿੰਨਤਾ ਵਾਲੇ ਅਤੇ ਦਿਆਲੂ ਭਾਈਚਾਰੇ ਲਈ ਆਪਣਾ ਡੂੰਘਾ ਧੰਨਵਾਦ ਪ੍ਰਗਟ ਕਰਨਾ ਚਾਹਾਂਗਾ ਜਿਸ ਨੇ ਮੈਨੂੰ ਸੇਵਾ ਦੀ ਮਹੱਤਤਾ, ਵਚਨਬੱਧਤਾ ਅਤੇ ਇਮਾਨਦਾਰੀ ਨਾਲ ਟੀਚਿਆਂ ਨੂੰ ਪੂਰਾ ਕਰਨਾ ਸਿਖਾਇਆ। ਲਗਭਗ ਇੱਕ ਦਹਾਕੇ ਰਾਜਨੀਤਿਕ ਸੇਵਾ ਤੋਂ ਬਾਅਦ, ਮੈਂ ਐਲਾਨ ਕਰ ਰਿਹਾ ਹਾਂ ਕਿ ਮੈਂ ਅਗਲੀਆਂ ਚੋਣਾਂ ਨਹੀਂ ਲੜਾਂਗਾ।”
ਸੱਜਣ 2015 ਵਿੱਚ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਲਿਬਰਲ ਸਰਕਾਰ ਦੇ ਕੈਬਿਨੇਟ ਵਿੱਚ ਸ਼ਾਮਲ ਹੋਏ। ਉਨ੍ਹਾਂ ਨੂੰ ਪਹਿਲਾਂ ਰੱਖਿਆ ਮੰਤਰੀ ਨਿਯੁਕਤ ਕੀਤਾ ਗਿਆ, ਜਿਥੇ ਉਨ੍ਹਾਂ ਨੇ ਦੇਸ਼ ਲਈ ਨਵੀਂ ਰੱਖਿਆ ਰਣਨੀਤੀ ਅਤੇ ਨਵੇਂ ਲੜਾਕੂ ਜਹਾਜ਼ਾਂ ਦੀ ਪ੍ਰਾਪਤੀ ਤੇ ਕੰਮ ਕੀਤਾ। ਹਾਲਾਂਕਿ, ਫੌਜ ਦੇ ਅੰਦਰ ਜਿਨਸੀ ਦੁਰਵਿਹਾਰ ਦੇ ਮਾਮਲਿਆਂ ਨਾਲ ਨਜਿੱਠਣ ਨੂੰ ਲੈ ਕੇ ਉਨ੍ਹਾਂ ਨੂੰ ਆਲੋਚਨਾ ਦਾ ਸਾਹਮਣਾ ਕਰਨਾ ਪਿਆ।
2021 ਦੀਆਂ ਚੋਣਾਂ ਤੋਂ ਬਾਅਦ, ਉਨ੍ਹਾਂ ਨੂੰ ਅੰਤਰਰਾਸ਼ਟਰੀ ਵਿਕਾਸ ਮੰਤਰਾਲੇ ਦੀ ਜ਼ਿੰਮੇਵਾਰੀ ਸੌਂਪੀ ਗਈ ਅਤੇ ਫਿਰ ਐਮਰਜੈਂਸੀ ਪ੍ਰੀਪੇਅਰਡਨੈੱਸ ਮੰਤਰੀ ਬਣਾਇਆ ਗਿਆ। ਸੱਜਣ ਦੇ ਮੰਤਰੀ ਦੇ ਤੌਰ ‘ਤੇ ਯੋਗਦਾਨ ਨੂੰ ਕੈਨੇਡਾ ਦੀ ਰਾਜਨੀਤਿਕ ਅਤੇ ਅਪਰਾਟੀਵ ਸਿੱਟੇ ਵਿਚ ਮਹੱਤਵਪੂਰਨ ਮੰਨਿਆ ਜਾਂਦਾ ਹੈ।
ਹਰਜੀਤ ਸੱਜਣ ਅਜਿਹੇ ਸਾਬਕਾ ਕੈਬਿਨੇਟ ਮੰਤਰੀਆਂ ਦੀ ਲੜੀ ਵਿੱਚ ਸ਼ਾਮਲ ਹੋ ਗਏ ਹਨ ਜਿਨ੍ਹਾਂ ਨੇ ਅਗਲੀਆਂ ਚੋਣਾਂ ਨਾ ਲੜਨ ਦਾ ਐਲਾਨ ਕੀਤਾ ਹੈ। ਇਸ ਵਿੱਚ ਸੀਮਸ ਓ’ਰੀਗਨ, ਪਾਬਲੋ ਰੌਡਰਿਗਜ਼, ਮੇਰੀ-ਕਲੌਡ ਬੀਬੌ, ਕਾਰਲਾ ਕੁਆਲਟ੍ਰੋਅ, ਫ਼ਿਲਮੋਨਾ ਟੈਸੀ ਅਤੇ ਡੈਨ ਵੈਂਡਲ ਜਿਵੇਂ ਨਾਂ ਸ਼ਾਮਲ ਹਨ। ਇਹ ਸਾਰੇ ਸਾਬਕਾ ਕੈਬਿਨੇਟ ਮੰਤਰੀਆਂ ਨੇ ਵੀ ਆਪਣੀ ਅਗਲੀ ਰਾਜਨੀਤਿਕ ਯਾਤਰਾ ਨੂੰ ਅਲਵਿਦਾ ਕਿਹਾ ਹੈ।
ਮੰਗਲਵਾਰ ਨੂੰ, ਸੱਜਣ ਨੇ ਸਾਬਕਾ ਬੈਂਕ ਔਫ਼ ਕੈਨੇਡਾ ਗਵਰਨਰ ਮਾਰਕ ਕਾਰਨੀ ਦੀ 2008 ਦੇ ਵਿਸ਼ਵ ਵਿੱਤੀ ਸੰਕਟ ਦੌਰਾਨ ਦੀ ਭੂਮਿਕਾ ਦੀ ਸ਼ਲਾਘਾ ਕੀਤੀ ਅਤੇ ਉਨ੍ਹਾਂ ਦੀ ਲਿਬਰਲ ਪਾਰਟੀ ਦੇ ਲੀਡਰਸ਼ਿਪ ਦੌੜ ਵਿੱਚ ਸਮਰਥਨ ਕਰਨ ਦੀ ਘੋਸ਼ਣਾ ਕੀਤੀ। ਸੱਜਣ ਮੁਤਾਬਕ, ਮਾਰਕ ਕਾਰਨੀ ਦੇ ਆਗੂਪਣ ਵਿੱਚ ਕੈਨੇਡਾ ਦੀ ਭਵਿੱਖ ਲਈ ਇਕ ਮਜ਼ਬੂਤ ਆਧਾਰ ਬਣਾਇਆ ਜਾ ਸਕਦਾ ਹੈ। ਸੱਜਣ ਦਾ ਸਿਆਸਤ ਤੋਂ ਅਲਵਿਦਾ ਸਿਰਫ਼ ਉਨ੍ਹਾਂ ਦੇ ਹਲਕੇ ਲਈ ਹੀ ਨਹੀਂ, ਸਗੋਂ ਲਿਬਰਲ ਰਾਜਨੀਤਿਕ ਲਈ ਵੀ ਇੱਕ ਵੱਡੀ ਗੱਲ ਹੈ। ਉਨ੍ਹਾਂ ਦੀ ਸੇਵਾ ਅਤੇ ਯੋਗਦਾਨ ਨੂੰ ਕਦੇ ਭੁਲਾਇਆ ਨਹੀਂ ਜਾਵੇਗਾ। This report was written by Ekjot Singh as part of the Local Journalism Initiative.