ਸਾਲਾਂ ਬੱਧੀ ਕਹਿੰਦੇ ਕੱਟ ਛੁੱਟੀ,
ਅਸਾਂ ਖਾਧੇ ਬੜੇ ਫੱਟ ਬੇਲੀਓ
ਕਨੇਡਾ ਵਿਚ ਵੋਟ ਪਾਉਣ ਦਾ
ਮਸਾਂ ਮਿਲਿਆ ਏ ਹੱਕ ਬੇਲੀਓ
ਮੋਹਰ ਲਾਉਣੀ ਤਾਂ ਜਰੂਰ ਚਾਹੀਦੀ
ਪਾਓ ਭਾਵੇਂ ਜਿਹਨੂੰ ਮਰਜੀ
ਵੋਟ ਪਾਉਣੀ ਤਾਂ ਜਰੂਰ ਚਾਹੀਦੀ
ਚੰਨ ਬੱਦਲਾਂ ਚ ਲੁਕ ਜਾਂਦੇ
ਲੋਕਾਂ ਦੀਆਂ ਵੋਟਾਂ ਸਾਹਮਣੇ
ਇੱਥੇ ਵੱਡੇ ਵੱਡੇ ਝੁਕ ਜਾਂਦੇ
ਥੱਲੇ ਲਿੱਟਣੇ ਦਾ ਕੀ ਫਾਇਦਾ
ਜੇ ਵੋਟਾਂ ਤੁਸੀਂ ਪਾਉਣੀਆਂ ਨਹੀਂ
ਨਿੱਤ ਪਿੱਟਣੇ ਦਾ ਕੀ ਫਾਇਦਾ
ਕਾਲੀ ਮੁੱਕਣੀ ਨੀ ,ਰਾਤ ਬੇਲੀਓ
ਜੇ ਵੋਟਾਂ ਤੁਸੀਂ ,ਨਾ ਪਾਈਆਂ
ਕਿਸੇ ਪੁੱਛਣੀ ਨੀ ਬਾਤ ਬੇਲੀਓ
ਉਦੋਂ ਹੁੰਦਾ ਮਾੜਾ ,ਅੰਤ ਬੇਲੀਓ
ਮਾੜੀ ਜੇ ਔਲਾਦ ਨਿੱਕਲੇ
ਹੋਵੇ ਮਾੜਾ ਸਰਪੰਚ ਬੇਲੀਓ
ਇੱਥੇ ਸਾਰਿਆਂ ਦੀ ਅੱਖ ਮਿੱਤਰੋ
ਸ਼ੁਰਰਏ ਵਾਲੇ ਮੇਅਰ ਦੀ
ਪੈਂਦੀ ਓਟਵਾ ਚ ਧੱਕ ਮਿੱਤਰੋ
ਖਾਂਦੇ ਸਬਜ਼ੀ ਨੇ, ਮੀਟ ਛੱਡ ਕੇ
ਮੇਅਰ ਵਾਲੀ ਚੋਣ ਲੜਦੇ
ਲੋਕੀਂ ਐਮ.ਪੀ. ਵਾਲੀ, ਸੀਟ ਛੱਡ ਕੇ
ਕਦੇ ਮੁੱਕਣੇ ਨੀ ਦੁੱਖ ਸੋਹਣਿਆ
ਸਾਹੋਤੇਆ ਤੂੰ ਮੁੱਕ ਜਾਣਾ
ਤੇਰੀ ਮੁੱਕਣੀ ਨੀ ਭੁੱਖ ਸੋਹਣਿਆ
ਲਿਖਤ : ਕੁਲਵੀਰ ਸਿੰਘ ਡਾਨਸੀਵਾਲ
ਸੰਪਰਕ : 778 863 2472
