ਅਜਾਇਬ ਸਿੰਘ ਹਮੀਰਗੜ ਨੇ ਸਰਪੰਚੀ ਦੀ ਚੋਣ ਮੁਹਿੰਮ ਆਰੰਭੀ ਪਿੰਡ ਵਾਸ਼ੀਆ ਨੂੰ ਹਮਾਇਤ ਦੀ ਅਪੀਲ ਕੀਤੀ

ਭਗਤਾ ਭਾਈਕਾ (ਵੀਰਪਾਲ ਭਗਤਾ): ਪੰਚਾਇਤੀ ਚੋਣਾਂ ਦਾ ਐਲਾਨ ਹੁੰਦੇ ਹੀ ਪਿੰਡਾਂ ਵਿਚ ਸਿਆਸੀ ਮਾਹੋਲ ਗਰਮ ਹੋ ਗਿਆ ਹੈ ਅਤੇ ਸਰਪੰਚ ਪਦ ਦੀ ਚੋਣ ਜਿੱਤਣ ਲਈ ਪਿੰਡਾਂ ਦੇ ਆਗੂ ਸਰਗਰਮ ਹੋ ਗਏ ਹਨ। ਇਸੇ ਤਰ੍ਹਾਂ ਬਲਾਕ ਭਗਤਾ ਭਾਈਕਾ ਅਧੀਨ ਪੈਦੇ ਪਿੰਡ ਹਮੀਰਗੜ ਦੀ ਸਰਪੰਚ ਪਦ ਦੀ ਚੋਣ ਜਿੱਤਣ ਲਈ ਬੁਲਾਰੇ ਅਤੇ ਸਿਆਸੀ ਆਗੂ ਅਜਾਇਬ ਸਿੰਘ ਹਮੀਰਗੜ ਨੇ ਵੀ ਆਪਣੀ ਚੋਣ ਮੁਹਿੰਮ ਆਰੰਭ ਦਿੱਤੀ ਹੈ। ਅਜਾਇਬ ਸਿੰਘ ਹਮੀਰਗੜ ਨੇ ਇਸ ਚੋਣ ਵਿਚ ਹਮਾਇਤ ਲੈਣ ਲਈ ਸਮੂਹ ਪਿੰਡ ਵਾਸੀਆਂ ਦਾ ਆਪਣੇ ਘਰ ਵੱਡਾ ਇਕੱਠ ਕਰਕੇ ਪਿੰਡ ਦੇ ਸਰਬਪੱਖੀ ਵਿਕਾਸ ਲਈ ਲੋਕਾਂ ਤੋਂ ਸਹਿਯੋਗ ਦੀ ਮੰਗ ਕੀਤੀ। ਇਸ ਮੌਕੇ ਅਜਾਇਬ ਹਮੀਰਗੜ ਨੇ ਆਪਣੇ ਘਰ ਪਹੁੰਚੀ ਸੰਗਤਾਂ ਦਾ ਧੰਨਵਾਦ ਕਰਦੇ ਕਿਹਾ ਕਿ ਉਹ ਪਿੰਡ ਦੇ ਵਿਕਾਸ ਅਤੇ ਭਾਈਚਾਰਕ ਸਾਂਝ ਮਜ਼ਬੂਤ ਕਰਨ ਲਈ ਹਰ ਸੰਭਵ ਯਤਨ ਕਰਨਗੇ। ਉਨ੍ਹਾਂ ਪਿੰਡ ਵਾਸੀਆਂ ਨੂੰ ਹਮਾਇਤ ਦੀ ਅਪੀਲ ਵੀ ਕੀਤੀ। ਇਸੇ ਦੌਰਾਨ ਕਿਸਾਨ ਆਗੂ ਰਾਜਾ ਸਿੰਘ ਸਿੱਧੂ ਨੇ ਅਜਾਇਬ ਸਿੰਘ ਹਮੀਰਗੜ ਦੀ ਸਲਾਘਾ ਕਰਦੇ ਕਿਹਾ ਕਿ ਉਹ ਇਕ ਬੇਦਾਗ਼ ਅਤੇ ਸੂਝਵਾਨ ਇਨਸਾਨ ਹਨ।ਉਨ੍ਹਾਂ ਕਿ ਕਿਹਾ ਕਿ ਅਜਾਇਬ ਸਿੰਘ ਆਪਣੀ ਸੂਝ-ਬੂਝ ਸਦਕਾ ਪਿੰਡ ਦੇ ਸਾਝੇ ਕੰਮ ਵੀ ਪਹਿਲ ਦੇ ਅਧਾਰ ਤੇ ਕਰਵਾ ਸਕਦੇ ਹਨ ਅਤੇ ਉਨ੍ਹਾਂ ਨੂੰ ਲੰਮਾ ਸਿਆਸੀ ਤਜਰਬਾ ਹੈ। ਇਸ ਚੋਣ ਮੁਹਿੰਮ ਦੇ ਸ਼ੁਰੂਆਤੀ ਸਮਾਗਮ ਤੋਂ ਬਾਅਦ ਇਕੱਤਰ ਸੰਗਤ ਨੇ ਪਿੰਡ ਦੇ ਗੁਰਦੁਆਰਾ ਸਾਹਿਬ ਵਿਖੇ ਮੱਥਾ ਟੇਕ ਕੇ ਅਜਾਇਬ ਸਿੰਘ ਦੀ ਜਿੱਤ ਅਤੇ ਸਰਬੱਤ ਦੇ ਭਲੇ ਲਈ ਪ੍ਰਮਾਤਮਾ ਅੱਗੇઠਅਰਦਾਸઠਕੀਤੀ।