ਜਾਗੋ ਜਾਗੋ ਨਸ਼ੇ ਨੂੰ ਤਿਆਗੋ ਨੋਜਵਾਨੋ ਓਏ।
ਪਾਣੀ ਡੂੰਘਾ ਹੋਇਆ ਸੁਣੋ ਦੇਸ਼ ਦੇ ਕਿਸਾਨੋ ਓਏ।
ਆਉਣ ਵਾਲੀ ਨਸਲਾਂ ਦੇ ਮਿਧੋ ਨਾ ਖੁਆਬ ਨੂੰ।
ਸਾਂਭ ਲਓ ਪੰਜਾਬ ਨੂੰ ਬਈ ਸਾਂਭ ਲਓ ਪੰਜਾਬ ਨੂੰ।
ਜਾਤਾਂ ਪਾਤਾਂ ਧਰਮਾਂ ਚ ਫੁੱਟ ਨਾ ਪਵਾਓ ਬਈ।
ਗਾਉਣ ਵਾਲਿਓ ਤੁਸੀਂ ਚੰਗੇ ਗੀਤ ਗਾਓ ਬਈ।
ਨਿੱਤ ਦੇ ਸ਼ਰਾਬੀ ਬਣ ਪੀਵੋ ਨਾ ਸ਼ਰਾਬ ਨੂੰ।
ਸਾਂਭ ਲਓ ਪੰਜਾਬ ਨੂੰ ਬਈ ਸਾਂਭ ਲਓ ਪੰਜਾਬ ਨੂੰ।
ਪਿੰਡ ਪਿੰਡ ਵਿੱਦਿਆ ਦਾ ਕਰੋ ਵਿਸਥਾਰ ਜੀ।
ਇੱਕ ਦੂਜੇ ਤਾਈਂ ਰੱਖੋ ਦਿਲਾਂ ਚ ਪਿਆਰ ਜੀ।
ਹੁੰਦੇ ਆਂ ਪੰਜਾਬੀ ਜਰਾ ਲਾ ਲਿਓ ਹਿਸਾਬ ਨੂੰ।
ਸਾਂਭ ਲਓ ਪੰਜਾਬ ਨੂੰ ਬਈ ਸਾਂਭ ਲਓ ਪੰਜਾਬ ਨੂੰ।
ਹੋਣ ਸਰਕਾਰੀ ਕੰਮ ਲੁੱਟੇ ਕੋਈ ਬਰਾਂਚ ਨਾ।
ਮਾਂ ਦੇ ਕਿਸੇ ਪੁੱਤ ਨੂੰ ਵੀ ਆਵੇ ਕਦੇ ਆਂਚ ਨਾ।
ਧੰਨਿਆਂ ਅਪੀਲ ਇੱਕੋ ਦੇਸ਼ ਦੇ ਨਵਾਬ ਨੂੰ।
ਸਾਂਭ ਲਓ ਪੰਜਾਬ ਨੂੰ ਬਈ ਸਾਂਭ ਲਓ ਪੰਜਾਬ ਨੂੰ।
ਧੰਨਾ ਧਾਲੀਵਾਲ
