ਭਗਤਾ ਭਾਈਕਾ (ਵੀਰਪਾਲ ਭਗਤਾ): ਸਥਾਨਿਕ ਸ਼ਹਿਰ ਵਿਚ ਅਣਪਛਾਤੇ ਚੋਰਾਂ ਵੱਲੋਂ ਇਕੋ ਰਾਤ ਵਿਚ ਚਾਰ ਦੁਕਾਨਾਂ ਦੀ ਭੰਨਤੋੜ ਕਰਕੇ ਚੋਰੀ ਕੀਤੇ ਜਾਣ ਨਾਲ ਸ਼ਹਿਰ ਦੇ ਦੁਕਾਨਦਾਰਾਂ ਵਿਚ ਸ਼ਹਿਮ ਦਾ ਮਾਹੋਲ ਹੈ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਸਹਿਰ ਦੇ ਬਰਨਾਲਾ ਰੋਡ ਤੇ ਸਥਿਤ ਸਿੱਧੂ ਕਾਰ ਅਸੈਸਰੀਜ਼ ਨਾਮ ਦੀ ਦੁਕਾਨ ਦਾ ਸ਼ਟਰ ਤੋੜ ਕੇ ਚੋਰਾਂ ਨੇ ਦੁਕਾਨ ਅੰਦਰ ਪਈ ਕਰੀਬ 2000 ਰੁਪਏ ਦੀ ਨਕਦੀ ਚੋਰੀ ਕਰ ਲਈ ਅਤੇ ਇਸੇ ਰੋਡ ਤੇ ਸਥਿਤ ਅਗਰਵਾਲ ਐਗਰੋ ਦਾ ਸ਼ਟਰ ਤੋੜ ਕੇ ਚੋਰਾਂ ਨੇ ਆਪਣੀ ਪਹਿਚਾਣ ਆਉਣ ਦੇ ਡਰੋਂ ਸੀਸੀਟੀਵੀ ਕੈਮਰਿਆਂ ਦੀ ਵੀਡਿਓ ਰਿਕਾਰਡ ਕਰਨ ਵਾਲਾ ਡੀਵੀਆਰ ਅਤੇ 5 ਹਜ਼ਾਰ ਰੁਪਏ ਦੀ ਨਕਦੀ ਚੋਰੀ ਕਰ ਲਿਆ। ਜਦ ਕਿ ਇਸੇ ਰਾਤ ਫਰੈਂਡਜ ਮੈਡੀਕਲ ਹਾਲ ਦੇ ਜਿੰਦਰੇ ਤੋੜ ਦੁਕਾਨ ਵਿਚੋਂ ਡੀਵੀਆਰ ਅਤੇ 10 ਹਜ਼ਾਰ ਰੁਪਏ ਦੀ ਨਕਦੀ ਅਤੇ ਲਖਵੀਰ ਚੰਦ ਐਂਡ ਸੰਨਜ਼ ਦੀ ਸਟਰ ਤੋੜ ਕੇ 4 ਹਜ਼ਾਰ ਰੁਪਏ ਦੀ ਨਕਦੀ ਚੋਰੀ ਕਰ ਲਈ। ਇਕੋ ਰਾਤ ਵਿਚ ਚਾਰ ਦੁਕਾਨਾਂ ਵਿਚ ਚੋਰੀ ਦੀ ਘਟਨਾ ਦਾ ਪਤਾ ਲੱਗਦੇ ਹੀ ਸਹਿਰ ਦੇ ਦੁਕਾਨਦਾਰਾਂ ਵਿਚ ਸ਼ਹਿਮ ਦਾ ਮਾਹੋਲ ਬਣ ਗਿਆ। ਸਥਾਨਿਕ ਪੁਲਿਸ ਨੇ ਚੋਰਾਂ ਨੂੰ ਕਾਬੂ ਕਰਨ ਲਈ ਆਪਣੀਆਂ ਸਰਗਰਮੀਆਂ ਆਰੰਭ ਕਰ ਦਿੱਤੀਆਂ ਹਨ। ਥਾਨਾ ਮੁੱਖੀ ਜਗਰੂਪ ਸਿੰਘ ਨੇ ਕਿਹਾ ਕਿ ਚੋਰਾਂ ਨੂੰ ਕਾਬੂ ਕਰਨ ਲਈ ਹਰ ਸੰਭਵ ਯਤਨ ਕੀਤੇਜਾਂਰਹੇਹਨ
