ੳ ਉਸਤਤ ਕਰਾ ਉਸ ਸਤਿਗੁਰੂ ਦੀ,
ਜਿਸ ਜੀਵਨ ਜਾਚ ਸਿਖਾਈ ਏ ।
ਅ ਅਮ੍ਰਿਤ ਵੇਲੇ ਨਿੱਤ ਉੱਠ ਕੇ ਜਪਾ ,
ਜਿਸ ਨਾਮ ਦੀ ਦਾਤ ਬਖਸ਼ਾਈ ਏ ।
ੲ ਇਕ ਉਂਕਾਰ ਦੀ ਕੀ ਸਿਫ਼ਤ ਕਰਾ,
ਜਿਸ ਬਣਾਈ ਇਹ ਲੋਕਾਈ ਏ ।
ਸ ਸਤਿਗੁਰੂ ਮੇਰਾ ਵੱਡਾ ਉਸ ਰੱਬ ਤੋਂ,
ਜਿਸ ਰੱਬ ਨਾਲ ਰੂਹ ਮਿਲਾਈ ਏ ।
ਹ ਹੁਸਨ ਇਸ਼ਕ ਉਸ ਰੱਬ ਦੈ ਸੱਚੇ ,
ਜਿਸ ਨਾਲ ਰੂਹ ਨਸ਼ਿਆਈ ਏ ।
ਕ ਕਾਦਰ ਦੀ ਕੁਦਰਤ ਤੋਂ ਬਲਿਹਾਰੀ,
ਜਿਸ ਦੁਨੀਆਂ ਸਭ ਰੁਸ਼ਨਾਈ ਏ ।
ਖ ਖਲਕਤ ਸਾਰੀ ਵਿਚ ਉਹ ਵੱਸਦਾ,
ਜਿਸ ਬਣਾਈ ਭੁੱਲ-ਭਲਾਈ ਏ ।
ਗ ਗੁਰਬਾਣੀ ਨਾਲ ਮਨਾ ਤੂੰ ਜੁੜ ਜਾ,
ਜਿਸ ਸਭ ਨੂੰ ਰਾਹ ਵਿਖਾਈ ਏ ।
ਘ ਘਰ – ਅੰਦਰੋਂ ਸਭ ਕੁਝ ਪਾ ਲੈ ,
ਜਿਸ ਇਹ ਬਣਤ ਬਣਾਈ ਏ ।
ਲਿਖਤ : ਵੀਨਾ ਬਟਾਲਵੀ
ਪੰਜਾਬੀ ਅਧਿਆਪਕਾ
