ਅੰਤਰਰਾਸ਼ਟਰੀ ਮਹਿਲਾ ਮਨੁੱਖੀ ਅਧਿਕਾਰ ਰਖਵਾਲੀ ਦਿਵਸ ਦੇ ਮੌਕੇ ਰੋਇਲ ਇਨਲੈਂਡ ਹਸਪਤਾਲ ਦੇ ਬਾਹਰ ਦੂਜੀ ਵੱਡੀ ਰੈਲੀ 29 ਨਵੰਬਰ ਨੂੰ

ਸਰੀ, (ਏਕਜੋਤ ਸਿੰਘ): ਕੈਨਲੂਪਸ ਇਲਾਕੇ ਵਿੱਚ ਮਾਤਾ-ਸੰਭਾਲ ਨਾਲ ਜੁੜੇ ਗੰਭੀਰ ਹੋ ਰਹੇ ਸੰਕਟ ਵੱਲ ਧਿਆਨ ਖਿੱਚਣ ਲਈ ਇੱਕ ਸਥਾਨਕ ਸਿਹਤ ਸੰਜੋਗ ਗਰੁੱਪ ਵੱਲੋਂ ਰੋਇਲ ਇਨਲੈਂਡ ਹਸਪਤਾਲ ਦੇ ਬਾਹਰ ਦੂਜੀ ਵੱਡੀ ਰੈਲੀ ਕੀਤੀ ਜਾ ਰਹੀ ਹੈ। ਇਹ ਰੈਲੀ ਸ਼ਨੀਵਾਰ, 29 ਨਵੰਬਰ ਨੂੰ ਦੁਪਹਿਰ 1 ਵਜੇ ਹੋਵੇਗੀ, ਜੋ ਕਿ ਅੰਤਰਰਾਸ਼ਟਰੀ ਮਹਿਲਾ ਮਨੁੱਖੀ ਅਧਿਕਾਰ ਰਖਵਾਲੀ ਦਿਵਸ ਦੇ ਮੌਕੇ ‘ਤੇ ਆਯੋਜਿਤ ਕੀਤੀ ਜਾ ਰਹੀ ਹੈ।
ਇਹ ਰੈਲੀ ੰੳਟੲਰਨਟਿੇ ੰੳਟਟੲਰਸ ਖੳਮਲੋਪਸ ਵੱਲੋਂ ਆਯੋਜਿਤ ਕੀਤੀ ਜਾ ਰਹੀ ਹੈ, ਜੋ ਆਪਣੇ ਆਪ ਨੂੰ ਇੱਕ ਜ਼ਮੀਨੀ ਪੱਧਰ ਦਾ ਸਾਂਝਾ ਗਰੁੱਪ ਦੱਸਦਾ ਹੈ। ਇਸ ਵਿੱਚ ਸਥਾਨਕ ਸੰਜੋਗ ਕਾਰਕੁਨ, ਬੱਚਾ-ਜਨਮ ਸੇਵਾ ਨਾਲ ਜੁੜੇ ਕਰਮਚਾਰੀ, ਮਾਪੇ ਅਤੇ ਸਮੁਦਾਇਕ ਮੈਂਬਰ ਸ਼ਾਮਿਲ ਹਨ।
ਪਿਛਲੇ ਮਹੀਨੇ ਕੈਨਲੂਪਸ ਦੇ Royal Inland Hospital ਵਿੱਚ ਕੰਮ ਕਰ ਰਹੇ 7 ਮਾਤਾ-ਰੋਗ ਮਾਹਿਰਾਂ (ਓ.ਬੀ./ਜੀ.ਵਾਈ.ਐੱਨ.) ਨੇ ਇਕੱਠੇ ਅਸਤੀਫ਼ੇ ਦੇ ਦਿੱਤੇ ਸਨ। ਇਨ੍ਹਾਂ ਮਾਹਿਰਾਂ ਦਾ ਕਹਿਣਾ ਸੀ ਕਿ ਉਨ੍ਹਾਂ ‘ਤੇ ਕੰਮ ਦਾ ਦਬਾਅ ਬੇਹੱਦ ਵੱਧ ਸੀ ਅਤੇ ਕੰਮ ਕਰਨ ਦੀਆਂ ਹਾਲਤਾਂ ਅਸੁਰੱਖਿਅਤ ਬਣ ਚੁੱਕੀਆਂ ਸਨ। ਉਨ੍ਹਾਂ ਨੇ ਇਹ ਵੀ ਸਪੱਸ਼ਟ ਕੀਤਾ ਸੀ ਕਿ ਉਹ ਵਧੀਕ ਤਨਖ਼ਾਹ ਦੀ ਮੰਗ ਨਹੀਂ ਕਰ ਰਹੇ ਸਨ, ਸਗੋਂ ਸਿਰਫ਼ ਬਿਹਤਰ ਅਤੇ ਸੁਰੱਖਿਅਤ ਕੰਮਕਾਜੀ ਮਾਹੌਲ ਦੀ ਚਾਹ ਕਰ ਰਹੇ ਸਨ।
ਮੈਟਰਨਿਟੀ ਮੈਟਰਜ਼ ਕੈਨਲੂਪਸ ਨੇ ਮੰਗਲਵਾਰ, 25 ਨਵੰਬਰ ਨੂੰ ਜਾਰੀ ਕੀਤੀ ਪ੍ਰੈਸ ਰਿਲੀਜ਼ ‘ਚ ਕਿਹਾ ਕਿ ਜਿਵੇਂ ਜਿਵੇਂ ਮਾਹਿਰਾਂ ਦੇ ਅਸਤੀਫਅਿਾਂ ਅਤੇ ਕਲਿਨਿਕਾਂ ਦੇ ਬੰਦ ਹੋਣ ਦੀ ਮਿਆਦ ਨੇੜੇ ਆ ਰਹੀ ਹੈ, ਹਾਲਾਤ ਹੋਰ ਵੀ ਗੰਭੀਰ ਹੋ ਰਹੇ ਹਨ। ਗਰੁੱਪ ਦੇ ਅਨੁਸਾਰ, ਮੌਜੂਦਾ ਹਾਲਤਾਂ ਨਾਲ ਗਰਭਵਤੀ ਮਹਿਲਾਵਾਂ ਅਤੇ ਨਵਜਨਮੇ ਬੱਚਿਆਂ ਦੀ ਸੁਰੱਖਿਆ ‘ਤੇ ਵੀ ਖ਼ਤਰਾ ਮੰਡਰਾ ਰਿਹਾ ਹੈ।
ਗਰੁੱਪ ਦਾ ਦਾਅਵਾ ਹੈ ਕਿ ਕਈ ਫਰੰਟਲਾਈਨ ਸਿਹਤ ਕਰਮਚਾਰੀਆਂ ਨੂੰ Interior Health ਵੱਲੋਂ ਜਨਤਕ ਤੌਰ ‘ਤੇ ਬੋਲਣ ਤੋਂ ਰੋਕਿਆ ਗਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਕਈ ਕਰਮਚਾਰੀ ਆਪਣੀਆਂ ਚਿੰਤਾਵਾਂ ਗੁਪਤ ਤੌਰ ‘ਤੇ ਮੈਟਰਨਿਟੀ ਮੈਟਰਜ਼ ਕੈਨਲੂਪਸ ਨਾਲ ਸਾਂਝੀਆਂ ਕਰ ਰਹੇ ਹਨ, ਕਿਉਂਕਿ ਉਨ੍ਹਾਂ ਨੂੰ ਆਪਣੇ ਪੇਸ਼ਾਵਰ ਭਵਿੱਖ ਨੂੰ ਲੈ ਕੇ ਡਰ ਹੈ। This report was written by Ekjot Singh as part of the Local Journalism Initiative.